Papa Françesku ju hap derën homoseksualëve: Mund të stërviten si priftërinj katolikë për sa kohë janë beqarë

Burrat homoseksualë do të jenë në gjendje të stërviten si priftërinj në seminaret katolike romake për sa kohë që respektojnë beqarinë, sipas udhëzimeve të reja të shpallura nga Konferenca e Peshkopëve Italianë.

Vendimi shënon një ndryshim nga pozicioni i mëparshëm i Papa Françeskut, në të cilin ai argumentoi se meshkujt homoseksualë nuk duhet të pranohen në seminar për shkak të rrezikut për të bërë një jetë të dyfishtë.

Sipas udhëzimeve, gjëja më e rëndësishme për priftërinjtë e ardhshëm është të tregojnë një “orientim drejt jetës beqare”, raporton Guardian.

“Gjatë procesit të formimit, kur i referohemi tendencave homoseksuale, është e përshtatshme të mos kufizohet dallimi vetëm në këtë aspekt”, tha CIE të premten, duke shtuar se “qëllimi i edukimit priftëror në fushën emocionale-seksuale është aftësia për të mirëpritur dëlirësinë në beqari si dhuratë, për ta zgjedhur atë lirisht dhe për ta jetuar atë me përgjegjësi”.

Megjithatë në vendim përsëritet se teksa Kisha Katolike “i respekton thellësisht personat në fjalë”, burrat homoseksualë që janë seksualisht aktivë nuk mund të pranohen në priftëri ose në ndonjë urdhër tjetër të shenjtë.

Që kur u zgjodh Papë në vitin 2013, Françesku është përpjekur të adoptojë një ton më gjithëpërfshirës ndaj personave të komunitetit LGBTQ+ në deklaratat e tij publike, duke nxitur zemërimin e kardinalëve konservatorë.

Në dhjetor 2023, ai miratoi një vendim që lejonte priftërinjtë të bekojnë çiftet beqare dhe të të njëjtit seks, në një ndryshim të madh në pozicionin për Kishën Katolike.