“Paqe pa raketa”, Trump takon Zelenskyn. I pret shpresat për “Tomahawk

Volodymyr Zelenskiy vizitoi Shtëpinë e Bardhë me shpresën për të bindur Presidentin amerikan për raketat Tomahawk, por telefonata e tij me Putinin një ditë më herët rrezikon që udhëheqësit ukrainas të kthehet në shtëpi duarbosh.

Trump tha se shpreson që lufta të përfundojë pa qenë nevoja që Ukraina të ketë nevojë për raketat Tomahawk. Diçka e tillë tha Trump do të përbënte përshkallëzim të madh: “Tomahawk-ët janë armë shumë të rrezikshme. Janë armë të pabesueshme. Nëse ju pëlqen lufta, është një nga më të saktat. E dini, ne përdorëm 30 Tomahawk në Iran pasi B2 bënë dëmin e tyre. Ato janë armë të jashtëzakonshme, por edhe shumë të rrezikshme. Dhe kjo mund të nënkuptojë për shkallëzim, mund të nënkuptojë se shumë gjëra të këqija mund të ndodhin. Tomahawk janë një gjë e madhe”.

Por, teksa Trump u shpreh optimist për një fund të shpejtë të luftës në Ukrainë, Zelensky paralajmëroi se Putin është gati për paqen: “Mendoj se ky është një moment për t’i dhënë fund luftës së Rusisë kundër Ukrainës. Mendoj se, po, e kuptojmë që Putini nuk është gati, mendoj se nuk është gati, por jam i bindur se me ndihmën tuaj, mund ta ndalojmë këtë luftë. Dhe kemi vërtet nevojë për të. Shohim që ata nuk kanë bërë hapa të suksesshëm në fushën e betejës dhe kjo është diçka e mirë”.

Në takimin me Zelenskyn, Trump përjashtoi mundësinë e një takimi trepalësh në Budapest.

“Këta dy liderë nuk pëlqehen, duam që të gjithë të ndihen rehat”, pohoi Presidenti amerikan duke shtuar se takimet do të jenë të ndarë.