Është mbyllur ndeshja e parë e gjysmëfinales së parë të Ligës së Kampionëve të këtij edicioni.
Arsenali ishte nikoqir i PSG-së në “Emirates Stadium”, me parisienët që do të rikthehen në shtëpi me fitore.
Të besuarit e Luis Enriques morën fitore të madhe në Londër, me shifrat prej 1-0, me një gol të hershëm të shënuar nga Ousmane Dembele.
Francezi shënoi në minutën e katërt, pas një asistimi nga ana e Khvicha Kvaratskhelias.
Në pjesën e parë, që i takoi PSG-së, ky i fundit kishte edhe një mundësi të mirë, përmes Desire Doues, por që David Raya e priti goditjen e tij.
Arsenali u tregua i rrezikshëm vetëm një herë në pjesën e parë, me Gabriel Martinellin, mirëpo Gianluigi Donnarumma ishte në krye të detyrës.
Me të filluar pjesa e dytë, Arsenali barazoi në 1-1, mirëpo goli i Mikel Merinos u anulua për pozitë jashtëloje.
Më pas, “Topçinjtë” e patën iniciativën, duke krijuar raste të rrezikshme, por pa sukses.
Tutje, PSG-ja shpërdoroi dy mundësi të mira shënimi, një nga Bradley Barcola e një nga Gonçalo Ramos.
Në fund, epilogu i takimit ishte 1-0 në të mirë të Parisit.
Ndeshja e kthimit do të luhet pas tetë ditësh, më 7 maj në “Parc des Princes”.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…