Kryetari i Komunës së Preshevës, Shqiprim Arifi e ka quajtur deputetin shqiptar në Kuvendin e Serbisë, Shaip Kamberin “deputet i Vuçiqit”, shkruan Gazeta Metro.
Përmes një postimi në Facebook, ai kësaj akuze ia ka bashkëngjitur një video të presidentit të Serbisë, Aleksandër Vuçiq me të cilën pretendon se e mbështet aludimin e tij për Kamberin.
Në këtë video përfshihen edhe politikanë të tjerë shqiptarë të Luginës së Preshevës, Fatmir Hasani dhe tashmë këshilltarja e kryeministrit të Kosovës, Albin Kurtit, Ardita Sinani.
Deputeti shqiptar në kuvendin e Serbisë, Shaip Kamberi, nuk ka hezituar as ai t’i hedhë këto pretendime ndaj kundërshtarit të tij politik më parë.
