Prokuroria Themelore në Gjilan ka njoftuar se ka ndaluar për keqpërdorim të pozitës zyrtare të dyshuarin M.I., pronar i një kompanie që ishte kontraktuar nga Komuna e Gjilanit për të mbikëqyrur punimet e palestrës së sporteve në fshatin “Zhegër”.
Sipas njoftimit, pronari i kompanisë “Arch Design”, dyshohet se për më shumë se tre vjet i ka pranuar si pozicione të kryera punët e pakryera. Dëmtimi që ai dyshohet se ia ka bërë komunës me këtë rast është rreth 66 mijë euro.
Prokuroria Themelore në Gjilan ka thënë se i dyshuari i ka siguruar përfitim material kompanisë “Vision Project/Dino-SHPK” për periudhën 12 korrik 2017 deri më 3 dhjetor 2020.
Ky institucion ka thënë se do të kërkojë masën për sigurimin e të pandehurit në procedurë penale.
