Aksident i rëndë në rrugën e “Kombit” në fshatin Blinisht.

Sipas burimeve në vendngjarje, 13 automjete janë përfshirë në aksident, ku një person është dërguar në spital.

Shkak dyshohet të jenë bërë ngrica në rrugë. Policia, autoambulanca dhe zjarrfikësit ndodhen në vendngjarje.

Aksi në drejtim të Kukësit vazhdon të jetë i bllokuar për rreth një orë, duke sjellë radhë të gjata kilometrike.