Përfundon pas dy orësh telefonata Trump-Putin, presidenti rus: Të gatshëm të punojmë me Kievin për traktatin e paqes

(COMBO) This combination of pictures created on November 07, 2024 shows former US President and Republican presidential candidate Donald Trump (l) attends a Fox News Townn Hall moderated by US television host Harris Faulkner (out of frame), in Cumming, Georgia, on October 15, 2024, and Russia's President Vladimir Putin (R) speaks during the BRICS summit in Kazan on October 24, 2024. Russia's President Vladimir Putin and Donald Trump indicated November 7, 2024 that they were ready to hold talks after the Republican tycoon emerged as the victor in the race for the White House. (Photo by Elijah Nouvelage and Alexander NEMENOV / AFP)

Presidenti i SHBA-së, Donald Trump, dhe Presidenti i Rusisë, Vladimir Putin, ranë dakord pas një telefonate dy-orëshe për të negociuar një “memorandum” mbi bisedimet e ardhshme të paqes. Në reagimin e tij, shefi i Kremlinit shtoi se mbi bazën e marrëveshjeve të nevojshme.

“Presidenti i SHBA ka shprehur qëndrimin e tij për armëpushimin dhe unë nga ana ime gjithashtu vura në dukje se Rusia gjithashtu favorizon një zgjidhje paqësore të krizës ukrainase. Ne thjesht duhet të përcaktojmë mënyrat më efektive për të ecur drejt paqes. Ne ramë dakord me presidentin e SHBA që Rusia do të sugjerojë dhe është e gatshme të punojë me palën ukrainase për një memorandum për një traktat të mundshëm të ardhshëm të paqes, i cili përcakton një numër të kushteve të marrëveshjes së paqes. Gjëja kryesore për ne është eliminimi i shkaqeve rrënjësore të kësaj krize”, tha Vladimir Putin, President i Rusisë.

Në reagimin e tij pas telefonatës, Trump shkroi se biseda shkoi “shumë mirë”. Si Rusia ashtu edhe Ukraina do të përfitonin nga tregtia me SHBA-në sapo të mbaronte “gjakderdhja”, theksoi Trump në Truth Social. Ai premtoi negociata të menjëhershme në Vatikan për një armëpushim. Trump shkroi në platformën e tij “Truth Social” se bisedimet duhet të fillojnë menjëherë dhe se Papa i kishte ofruar Vatikanin si vend për negociata, shkruan A2 CNN.

Trump pati deklaruar qëllimin e përfundimit të luftës së agresionit rus në Ukrainë. Megjithatë, negociatat nuk kanë përparuar deri më tani. Trump e ka shprehur rregullisht pakënaqësinë e tij aq sa Uashingtoni ka kërcënuar të tërhiqet nga negociatat mes palëve.

Pak para bisedës së shefit të tij me Putinin, zëvendëspresidenti i SHBA-së JD Vance e bëri të qartë edhe një herë se SHBA-së po i mbaronte ngadalë durimi. “E kuptojmë se jemi pak në një rrugë pa krye këtu,” u tha Vance gazetarëve në bordin e Air Force Two pas një vizite në Romë. Nëse Rusia nuk është e përgatitur të lëvizë, qeveria amerikane do të duhet të thotë në një moment: “Kjo nuk është lufta jonë.”