Kryetari i ri i Prishtinës, Përparim Rama, i ka ofruar publikisht kundërkandidatit të tij në zgjedhje, Arben Vitisë, pozitën e drejtorit komunal të shëndetësisë.
“I kam shkruar para 6-7 ditëve z. Arben Vitia, ashtu siç kam thënë edhe dje në ceremoninë e inaugurimit jam i hapur për bashkëpunim me Vetëvendosjen”, ka thënë ai.
Rama ka shtuar se fatkeqësisht ende nuk ka marrë përgjigje nga LVV-ja.
”Z. Vitia i kam kërkuar takim dhe i kam thënë nëse ka ekip që mund të ofrojnë njerëz profesionistë për udhëheqjen e Prishtinës”, ka thënë Rama, teksa i ka ofruar publikisht ish-ministrit Vitia pozitën e drejtorit komunal të Shëndetësisë.
