Një aksident i ndodhur një natë më parë në autostradën Fier-Lushnje pranë rreth rrotullimit të Kolonjës i ka marrë jetën 2 kushërinjve që udhëtonin me shpejtësi me një automjet tip Benz.
Jorges Shabani 21-vjeç ka gjetur vdekjen në momentin e aksidentit, ndërsa pak orë më vonë ka humbur jetën në spital edhe kushëriri i tij i parë Alteo Shabani 22-vjeç.
Mësohet se në gjendje të rëndë në spitalin e Traumës vazhdon të jetë Alban Doksani 16-vjeç.
Të tre personat kanë qenë në një automjet tip Benz me targa AA 277 GN i cili ka dalë nga rruga dhe pasi është përplasur me bordurën anësore ka rënë në një kanal.
