Në një fshat të vogël në Gloucestershire, në Cherington të Mbretërisë së Bashkuar, arkeologët kanë zbuluar një varr anglo-sakson 1,400-vjeçar. Në të prehen një vajzë adoleshente dhe vëllai i saj rreth 7 vjeç, të varrosur së bashku në një mënyrë që duket si përqafimi i fundit.
Gërmimet e kryera nga organizata Operation Nightingale dhe studiues të Time Team, zbuluan se djali ishte varrosur me pajisje luftëtari dhe me një shpatë të vogël. Ndërkohë, motra ishte vendosur përballë tij, e ngritur lehtë, sikur po e mbronte apo përkundte.
Analizat gjenetike të kryera nga Francis Crick Institute konfirmuan se të dy ishin vërtet vëlla e motër. Ky zbulim është i rëndësishëm, pasi edhe pse varrimet e dyfishta janë të zakonshme në atë periudhë, rrallë provohet një lidhje kaq e ngushtë biologjike midis të ndjerëve.
Ekspertët besojnë se fëmijët kanë vdekur pothuajse në të njëjtën kohë, ndoshta si pasojë e një sëmundjeje infektive të shpejtë, pasi në eshtrat e tyre nuk janë gjetur shenja dhune. Dyshohet se vajza mund të jetë infektuar duke u kujdesur për vëllain.
Në atë kohë, epidemitë e murtajës ose infeksioneve të tjera bakteriale mund të shkatërronin familje të tëra brenda pak ditësh.
Sipas arkeologëve, është e mundur që motra e madhe e ka marrë sëmundjen ndërsa kujdesej për vëllain e saj më të vogël të sëmurë. Komuniteti i kohës, duke u dhënë lamtumirën, do ta kishte nderuar këtë lidhje duke i rregulluar trupat në mënyrë që përkushtimi i motrës të mbetej i dukshëm.
Në të njëjtin sit arkeologjik janë zbuluar edhe varre të tjera fëmijësh me objekte luftarake, çka sugjeron se statusi i luftëtarit në atë shoqëri trashëgohej që në moshë të vogël.
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…
Autori i vrasjes së një polici dhe plagosjes së një efektivi tjetër mëngjesin e sotëm…