Shkolla fillore ‘Tre dëshmorët e shkollës shqipe’ në fshatin Uçë të Istogut ka qenë cak i keqbërësve ditët e fundit, raporton Gazeta Sinjali.
Sinjali mëson se shkolla që qëndron e mbyllur si shkak i mungesës së nxënësve, është sulmuar nga persona ende të panjohur, të cilët kanë shkaktuar dëme materiale.
Përgjegjësi i shkollës ka deklaruar në Polici se ka vërejtur se xhami i derës së hyrjes së shkollës është thyer dhe hapësirat e brendshme të shkollës është demoluar.
Momentalisht nuk ka persona të dyshuar, mirëpo janë marrë të gjitha veprimet hetimore që ndihmojnë në zbardhjen e rrethanave të rastit.
Me urdhër të prokurorit, rasti është iniciuar ‘Asgjësim apo dëmtim i pasurisë’, ndërsa veprimet tjera ligjore do merren posa të kapen të dyshuarit.
