“Legjitime dhe plotësisht në përputhje me Marrëveshjen e Brukselit” i quajti ambasadori gjerman në Prishtinë, Jorn Rhode, masat e reja të qeverisë rreth targave ilegale dhe atë të reciprocitetit të dokumenteve hyrëse/dalëse me Serbinë.
Përveç kësaj, Rhode në takim me Presidenten e Kosovës, Vjosa Osmani, tha se dy vendimet e lartëpërmendura “do të bëhen në koordinim me Shtetet e Bashkuara të Amerikës dhe Bashkimin Evropian”.
“Mirë të takoj Presidenten e Kosovës Vjosa Osmani sot, për të biseduar për zhvillimet aktuale, përfshirë vendimin për të shtyrë zbatimin e vendimeve rreth targave dhe dokumenteve hyrëse/dalëse që nga 1 shtatori”, shkroi ambasadori në rrjetin e tij në Twitter.
Ambasadori, në komunikatën e tij nga takimi me presidenten, thotë se kësaj të fundes “i theksova se vendimet janë legjitime dhe plotësisht në përputhje me Marrëveshjen e Brukselit”.
Qeveria e Kosovës ka marrë vendim për të ndaluar targat ilegale në Veri të Kosovës, targa këto të cilat lëshohen nga Ministria e Punëve të Brendshme e Sigurisë, si dhe inicimin e reciprocitetit rreth lëshimit të dokumenteve hyrëse/dalse për shtetasit serb që futen në Kosovë.
Zbatimi i këtyre dy mendimeve qe kërkesë amerikane dhe evropiane që të shtyhet për 30 ditë, kërkesë këtë që qeveria kosovare e pranoi.
