Asamblisti i opozitës në Kuvendin e Topoles në Serbi, D. M. (53 vjeç), i ka vënë flakën vetes para stacionit policor mbrëmë vonë. Ai u ndihmua shpejt dhe mbijetoi, megjithatë, në gjendje të rëndë shëndetësore me djegie të rrezikshme për jetën.
Dje është mbajtur seanca e kuvendit komunal të Topoles dhe në orët e vona të mbrëmjes asamblisti ka dalë para stacionit policor ku i ka vënë flakën vetes. Dyshohet se fillimisht ka qëndruar aty pranë për disa orë dhe më pas ka vendosur për këtë akt.
Oficerët e policisë i kanë ardhur në ndihmë. Ekipet e emergjencës kanë mbërritur menjëherë në vendin e ngjarjes dhe kanë transportuar burrin me djegie të rënda në Qendrën Klinike në Kragujevc. Një polic u lëndua lehtë teksa po përpiqej ta ndihmonte 53-vjeçarin.
Pacienti është mbajtur për trajtim në Qendrën Klinike në Kragujevc. Ai ndodhet në repartin e kujdesit intensiv të Qendrës për Anestezion dhe Reanimacion. D.M. është në gjendje të rëndë.
Nuk dihet ende shkaku që ka çuar deri në këtë akt.
Irani ka zgjedhur djalin e të ndjerit Ajatollah Ali Khamenei si udhëheqësin e ardhshëm suprem…
Konflikti në rritje mes Shteteve të Bashkuara të Amerikës dhe Iranit po vazhdon të shkaktojë…
Interneti është ndërprerë dhe qytetarët e zakonshëm që nuk kanë VPN nuk mund të lidhen…
Një klip i fjalimit të Presidentit rus Vladimir Putinit u botua ditën e sotme aksidentalisht…
Një grua nga Teheran ka deklaruar se shumë iranianë janë aq të lodhur nga represioni…
Forcat ajrore izraelite sulmojnë infrastrukturën iraniane të naftës në Teheran. IDF njoftoi se ndërmori një…