“Poshtërim qysh në fillim të vizitës”, e ka cilësuar pritjen e kryeministrit malazez Zdravko Krivokapiç gjatë vizitës së tij të parë zyrtare në Serbi, zëdhënësja e Partisë Socialdemokrate (SDP), Amina Cikotic.
“Poshtërim në fillim të vizitës. Atë e priti ministri i Bujqësisë së Serbisë”, shkroi ajo në llogarinë e saj në Twitter.
“Është praktikë diplomatike që kryeministri të mirëpritet nga kolegu ose zëvendëskryeministri ose Ministri i Punëve të Jashtme i atij shteti që viziton”, shkroi mes të tjerash zëdhënësja e partisë opozitare malazeze.
“Të gjitha i thotë stili i veshjes së nikoqirit, ministrit të Bujqësisë në Qeverinë e Serbisë. Fatkeqësisht, poshtërim”, ka përfunduar Cikotic.
Poniženje na početku posjete. Dočekuje ga ministar poljoprivrede😆
Dobra diplomatska praksa je da premijera dočekuje njegov kolega ili potpredsjednik Vlade ili MVP. Stil odijevanja domaćina, ministra poljoprivrede u Vladi Srbije, govori sve.
Nažalost poniženje. 🤦♀️ pic.twitter.com/dYZ5AgnN9W— Amina Cikotić (@AminaCikotic) November 2, 2021
Ndërsa deputeti i Partisë Demokratike të Socialistëve, Pedrag Boshkoviç ka shkruar se veshja “me farmerka” në pritje të Kryeministrit të një vendi është tregues i qartë se si e perceptojnë ata Malin e Zi.
“Kur të presin ashtu siç e meriton. Në farmerka dhe në nivel. Në këtë mënyrë ata treguan si e perceptojnë Malin e Zi dhe Kryeministrin e këtij shteti”.
Edhe zëdhënësi i Social Demokratëve Nikolla Zirojeviç, shkroi po ashtu të njëjtën gjë.
Kad te dočekaju onako kako si i zaslužio. U farmericama i na nivou. Ovim činom su pokazali kako doživljavaju Crnu Goru i njenog premijera. pic.twitter.com/NHKtikrc4z
— Predrag Bošković (@pedjabosskovic) November 2, 2021
“Nuk e di çfarë protokolli është ky, por ama është poshtërim klasik, jo vetëm për atë personalisht, por për vetë shtetin që përfaqëson”, shkroi ai në Twitter.
Zyra e Kryeministrit malazez, Krivokapiç, ka lajmëruar se ai së pari gjatë vizitës së tij zyrtare në Serbi do të vendos kurora lulesh në varrin e ish-Kryeministrit të Serbisë, Zoran Gjingjiç.
