Pas arrestimit në aksionin e sotëm kundër “tiketës ngjitëse”, Prokuroria ka vendosur masën e paraburgimit për kryetarin e PSD-së, Dardan Molliqaj.
Këtë e konfirmoi zyrtari i kësaj partie, Frashër Krasniqi, i cili gjatë ditës së sotme ishte në mesin e të arrestuarve në aksion.
Përmes një postimi në Facebook, ai thotë se pas dhunës së Xhelal Sveçlës u vendos paraburgimi për Dardan Molliqajn.
Krasniqi thekson se aktivistët u arrestuan brutalisht, në aksionin paqësor, ndërsa vlerëson se ky është kombinim i rrezikshëm i autoritarizmit me oligarkinë e pabarazinë.
Postimi i plotë:“DHUNË, NË MBROJTJE TË MONOPOLEVEPas dhunës së kryepolicit Xhelal Sveçla, prokuroria vendosë në paraburgim kryetarin e PSD-së Dardan Molliqaj.Kur ju doli afera e keqpërdorimit, tentuan të mbrohen duke gënjyer. Kur gënjeshtra u doli shpejt, dhunës i erdhi radha. Aktivistët u arrestuan brutalisht, për një aksion politik krejtësisht paqësor.Paralajmërim më të qartë nuk ka. Veç kush s’don me pa e me kuptu:Paratë do t’ia marrin shumicës (sundim i ligjit e formalitet), për t’ia dhënë pakicës (monopole e përqendrim i pasurisë). Kushdo që guxon me i kritiku, arrestohet brutalisht e burgoset.Ky pra është kombinimi i rrezikshëm i autoritarizmit me oligarkinë e pabarazinë.
