Ditën e sotme, mbështetësit e katër partive parlamentare të opozitës së djathtë serbe bllokuan trafikun për një orë para ndërtesës së Qeverisë së Serbisë në qendër të Beogradit, duke kërkuar refuzimin e Marrëveshjes për Normalizimin e Marrëdhënieve me Kosovën.
Gjatë protestës u kërkua dorëheqja e presidentit serb, Aleksandër Vuçiç të cilin e akuzuan edhe si tradhëtar.
Pjesëmarrësit e tubimit mbanin në duart pankartat “Jo kapitullimit” dhe “Dorëheqje Vuçiçit”, dhe disa kishin veshur edhe bluza me shkronjën Z, simbol i agresionit rus kundër Ukrainës.
Në protestë ishte edhe Radomir Počuça, i cili si mercenar nga Serbia luftoi me separatistët pro-rusë në Ukrainë në vitin 2014.
Në vitin 2016, Poçuça lidhi një marrëveshje me Gjykatën e Lartë në Beograd dhe u dënua me një vit e gjysmë burg. Sot ai është deputet i partisë së djathtë parlamentare ‘Zavetnici’.
