Qeveria e Kosovës ka marrë vendim që të ndajë mjete financiare në vlerë prej 15 milionë eurove për mbulimin e shpenzimeve për furnizim me energji elektrike në komunat veriore.
Burime brenda Ministrisë së Financave dhe Transfereve i kanë thënë Insajderit se Qeveria e Kosovës, me buxhetin e ri i cili pritet të miratohet në javët në vazhdim ka marrë vendim që t’i ndajë 15 milionë euro për energjinë elektrike të veriut të Kosovës të cilët nuk e paguajnë qytetarët e asaj pjese.Qytetarët e këtyre komunave (Mitrovicë e Veriut, Zubin Potok, Zveçan dhe Leposaviq), nuk kanë paguar që nga mbarimi i luftës së fundit për energjinë e shpenzuar.
Që nga viti, 1999 deri në vitin 2017, faturat e shpenzuara të asaj pjese u janë faturuar qytetarëve të viseve tjera të Kosovës.Por, pas ankesave të shumta, Gjykata e Apelit, në fund të vitit 2017, kishte vendosur që kjo praktikë të pezullohet, sepse ishte joligjore.
