Qeveria serbe kufizon çmimet e ushqimeve bazë, ul akcizën për naftën

Qeveria e Serbisë ka marrë vendim për kufizimin e çmimeve të ushqimeve bazë dhe ka ulur akcizën për naftën.

Këtë e ka bërë përmes nxjerrjes së një dekreti në të cilin përfshihet mielli i tipit T-400 në paketim deri në pesë kilogram, përfshirë edhe pesë kilogramshin, miellin e tipit 500 gjithashtu deri në pesë kilogram, shkruan KoSSev.

Në kufizim çmimesh është përfshirë edhe vaj luledielli, mishi i derrit e të tjera.

Gjithashtu është paraparë çmimi maksimal me pakicë i qumështit UHT me 2,8 për qind yndyrë, qumështi në paketim prej një litri, si dhe çmimi i sheqerit të bardhë kristal për kilogram, si dhe është përcaktuar sasia e vajit të farës së lulediellit në ambalazhe për shitje me pakicë.

Në këtë seancë është miratuar edhe kufizimi i çmimit të gazit natyror.

Po ashtu marrë vendim për uljen e përkohshme të masës së akcizës për derivatet e naftës – benzina me plumb, benzina pa plumb dhe vajrat e gazit për 20 për qind. Ky vendim do të zbatohet nga data 1 deri më 31 korrik të këtij viti.