Raketat S-400 mollë sherri SHBA-Turqi

Uashingtoni përsëriti kundërshtimin ndaj planeve turke për të blerë një sistem raketash mbrojtëse S-400 nga Rusia.

SHBA deklaruan se Turqia ka shkelur angazhimet e saj në NATO.

Zëdhënësi i Departamentit Amerikan të Shtetit ka thënë se Uashingtoni ka refuzuar një propozim të fundit të ministrit turk të Mbrojtjes Hulusi Akar për të përdorur S-400 në të njëjtën mënyrë siç përdoren ato S-300 në aleancën e NATO-s.

Qëndrimet e zyrtarëve turq shihet si një referencë për pozicionimin e një sistemi raketor S-300 në ishullin grek të Kretës.

SHBA ka vendosur sanksione kundër Turqisë për blerjen e sistemit rus, sipas Aktit të Kundërshtimit të Kundërshtarëve të Amerikës përmes Sanksioneve si dhe ka kërcënuar me më shumë masa radikale nëse Ankaraja realizon blerjen e raketave mbrojtëse S-400. Rusia i ka ofruar ndihmën e saj në zhvillimin e avionëve luftarakë të gjeneratës së ardhshme për ushtrinë turke.

Aktualisht Turqia po punon për një avion luftarak të gjeneratës së pestë të dizajnuar në vend, pasi nuk arriti të sigurojë një kontratë F-35 me SHBA-në për shkak të blerjes së saj të sistemeve raketore të mbrojtjes ajrore S-400 nga Rusia. Sipas kreut të Shërbimit Federal Rus për Bashkëpunimin Ushtarak-Teknik, Dmitry Shugayev, Moska ka shprehur vazhdimisht gatishmërinë e saj për të ndihmuar Turqinë në krijimin e një avioni më të avancuar.

Rusia është në negociata me Turqinë për furnizimin me armë dhe pajisje moderne ruse. Shefi i Industrisë turke së Mbrojtjes, Ismail Demir, deklaroi se “dera është e hapur” për aleatët që duan të jenë pjesë e projektit.

Rexhep Tayyip Erdogan tha se ai dhe homologu rus Vladimir Putin kanë rënë dakord të bashkëpunojnë në projekte specifike ushtarake, duke përfshirë zhvillimin e centraleve të reja bërthamore, nëndetëseve dhe një program hapësinor. Përveç S-400, Turqia po planifikon të blejë avione luftëtarë rusë Sukhoi.