Kryetari i zgjedhur i Prishtinës Përparim Rama, një ditë pasi fitoi zgjedhjet ka dalë në qytet për të bërë një shëtitje me gruan e tij.
Rama i ka falënderuar qytetarët që ia mundësuan atij fitoren.
“Ju përulem para privilegjit e përgjegjësisë që ma keni dhënë. Ju përulem me sinqeritet e me shumë dashni, dhe ju jap fjalën që secilën ditë si kryetari juaj do të punoj për jetësimin e plotë të krejt projekteve që i kam premtuar”.
Ai theksoi se vota e qytetarëve e fuqizon atë si kryetar i Prishtinës.
“Vota jote më fuqizon me privilegjin e të qenit Kryetar i Prishtinës, e që nuk është Kryetar veç i një tjetër komune, po i vetë kryeqytetit të Kosovës. Të kryeqytetit, që ka zgjedhur zhvillimin dhe transformimin, dhe që duke qenë i krejt Kosovës, ka për ta llogaritë gjithë Kosovën në planifikimin e vet të gjithëmbarshëm komunal”.
