Një delegacion me kongresmenë amerikanë ka mbërritur të dielën në vendin tonë. Të hënën paradite, ata u takuan me kryeministrin Edi Rama, i cili publikoi foto nga takimi në zyrën e tij, në llogarinë e tij në Facebook.
“Me senatorë e kongresmenë nga Shtetet e Bashkuara, në një rrugë miqësie e partneriteti që forcohet dita-ditës”, shkroi Rama në Facebook.
Pas takimit me Ramën, 3 kongresmenët, Elissa Slotkin, David Valadao dhe Jake LaTurner, do të vizitojnë edhe selinë e Partisë Demokratike.
Një ditë më parë, ambasadorja amerikane, Yuri Kim tha se ata kanë ardhur në Shqipëri “për diskutime të rëndësishme me udhëheqësit shqiptarë”.
