Një person raportoi dje në Polici se tre persona të maskuar, njëri prej tyre i armatosur e kanë lidhur me litar dhe ia kanë grabitur rreth 3 mijë euro, në rrugën Deçan – Gjakovë, por Policia e ka zbuluar se i njëjti e kishte inskenuar këtë rast.
“Gjatë zhvillimit të hetimeve nga hetuesit, është vërtetuar- zbuluar se viktima tani i dyshuar ka paraqitur rrejshëm veprën penale të cilësuar si ‘Grabitje’”, thuhet në njoftimin e policisë.
Andaj, nga personi viktimë për veprën ‘Grabitje’, tani ai është i dyshuar për veprën penale ‘Deklarim i rremë’.
Me vendim të prokurorit, ai është dërguar në mbajtje për 48 orë.
