Ministri për Komunitete dhe Kthim, Nenad Rashiq, thotë se ka rënie të ndikimit të Listës Serbe në veri.
“Ka një rënie të ndikimit siç keni thënë, por më duhet të tregoi se, ne si institucionet të Kosovës duhet të bëjmë shumë më shumë se sa që e bëjmë në këtë moment. Atje ka një grupacion që kërcënon të gjithë atyre të cilët dëshirojnë me marrë pjesë në përmbajtje të komunave me kryetarë shqiptar. Unë sot e kam dërguar një propozim për emërim të mundshëm për një zëvendës kryetar në njërën nga komunat”, tha Rashiq për Tëvë1.
Ministri nga radhët e komuniteti serb, akuzoi qeverisjet e kaluara për mospërfshirje në katër komunat veriore.
“Në veçanti, aty është një element i cili ka penguar më së shumti, dhe ajo është një mbështetje e heshtur nga institucionet e Republikës së Kosovës, dhe kjo për mua ka qenë një tregim skandaloz, që për arsyeje të numrave në parlament, njerëz në të kaluarën, kanë qenë të gatshëm të bëjnë gjithçka vetëm që të kenë 61 deputet në parlamentin e Kosovës. Prandaj këto janë rezultatet të punimeve të mëhershme, të cilat kanë qenë pa integritet moral, dhe pa integritet politik”, tha ai.
Rashiq ndër të tjera theksoi se tani është rritur edhe interesimi i serbëve në veri për t’u punësuar.
“Ka një interesim të jashtëzakonshëm të qytetarëve, jeta nuk mund të pret, po vazhdon, po më vjen keq se kemi humbur vite ose dekada kemi humbur tu prit, ndonjë ‘kryemadh’ që të vendose për ne, por të vetmit që vendosim për fatin tonë jemi ne”, tha ai.
Në prill të 2023-ës, katër shqiptarë, dy nga radhët e Partisë Demokratike të Kosovës dhe dy të tjerë nga Lëvizja Vetëvendosje, u zgjodhën kryetarë për herë të parët në komunat e banuara me shumicë serbe.
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…