Richard Grenell nuk heq dorë: Ka një porosi të qartë për Albin Kurtin

I dërguari i Donald Trump për dialogun Kosovës-Serbi, Richard Grenell, ka ritheksuar edhe një herë se tarifa ndaj mallrave serbe dhe atyre boshnjake duhet të hiqet.

“Uashingtoni është i përqendruar në zhvillimin ekonomik dhe vendet e punës – ne besojmë se kjo pjesë është injoruar në dialog”, ka shkruar Grenell në Twitter.

“Ne nuk mund të ju ndihmojmë derisa tarfina e vendosur nga Qeveria e Kosovës vazhdon ta dëmtojë vendin. Taksa duhet të hiqet së pari”.

“Gjithashtu, çështjet politike do të zgjidhen nga të dy palët – jo nga Uashingtoni”.

Ky reagim i Grenellit ka ardhur si përgjigje për Arbër Koliqin, shqiptarin që jeton në Amerikë.

I njëjti ka kërkuar të di rreth prapaskenave të dialogut, pasi siç ka thënë politikanët kosovarë “nuk kanë qenë transparent në këtë proces”.

Ndryshe, Albin Kurti, kryeministri i vendit, ka vendosur që taksa ndaj produkteve serbe dhe boshnjake të hiqet me kushte. Veprim ky që nuk po pëlqehet aspak nga shteti mik i Kosovës, Amerika.