Një konflikt mes disa personave mbrëmë në Deçan, ka eskaluar në rrahje dhe përdorim të armës së zjarrit. Të shtënat u dëgjuan në orët e mbrëmjes dhe Policia arriti ta arrestojë të dyshuarin, raporton Gazeta Sinjali.
Siç merr vesh Sinjali, fillimisht disa persona janë rrahur mes vete e më pas njëri prej tyre ka shkrepur armën së paku dy herë.
Pasi Policia ka arritur në vendin e ngjarjes, janë gjetur dhe sekuestruar gëzhojat e armës së zjarrit, teksa është arrestuar i dyshuari.
Me rastin e kontrollit policor, të dyshuarit i janë konfiskuar dy armë zjarri dhe 50 fishekë.
Me vendim të Prokurorit të Shtetit, i dyshuari është dërguar në mbajtje dhe ndaj tij kanë nisur hetimet.
