Forcat ruse të mbrojtjes ajrore deklarojnë se gjatë natës, shkatërruan tre dronë ukrainas mbi rajonin e Yaroslavl dhe një tjetër mbi rajonin Vladimir.
Lajmi u bë i ditur nga Ministria e Mbrojtjes e Moskës e cila shkruan në një njoftim se “Mbrëmë, një sërë përpjekjesh ukrainase për të kryer sulme terroriste me mjete ajrore pa pilot të tipit aeroplan kundër objektivave në territorin e Federatës Ruse u bllokuan. Sistemet e mbrojtjes ajrore shkatërruan tre dronë në rajon nga Yaroslavl dhe një në rajonin e Vladimir”.
Ndërkohë, ministri i Jashtëm, Aleksandër Grushko akuzoi NATO se me veprimet e saj po shkon drejt një përplasje të mundshme me Rusinë.
Grushko në një intervistë për Izvestia, nënvizoi faktin se “roli i armëve bërthamore në planifikimin ushtarak të Aleancës po rritet dhe flitet për vendosjen e tyre në Poloni dhe vende të tjera evropiane”.
