Semaforët janë ndalur nëpër Prishtinë, duke shkaktuar kaos në trafik, më shumë se çdo herë tjetër.
Menjëherë pas orës 16:00, kur një pjesë e madhe e qytetarëve përfundojnë orarin e punës, është bllokuar trafiku në kryeqytet, duke e pamundësuar lëvizjen e veturave.
Në një fotografi të shkrepur nga lagjja “Ulpiana” shihen disa rrugë me kolona të gjatë.
Për shkak të ndërprerjeve të rrymës në pjesë të ndryshme të qytetit, nuk po funksionojnë as semaforët.
Qytetarët tregojnë se kanë mbetur të bllokuar nëpër rrugët e Prishtinës, në mes të një kaosi që s’po zgjidhet.
Problemi i energjisë elektrike duket se po shkakton probleme të vazhdueshme edhe në aktivitetet e përditshme të të gjithë qytetarëve të Kosovës
