Rusia nuk dëshiron një armëpushim të përkohshëm në Ukrainë dhe po shtyn për një zgjidhje afatgjatë të paqes që do të marrë parasysh interesat dhe shqetësimet e saj, ka thënë një ndihmës i lartë i Vladimir Putinit, raporton The Financial Times.
Yuri Ushakov, këshilltari për politikën e jashtme të presidentit rus, i tha televizionit shtetëror të enjten se armëpushimi 30-ditor i propozuar pas bisedimeve mes SHBA-së dhe Ukrainës nuk ishte “asgjë tjetër veçse një frymëmarrje e përkohshme për trupat ukrainase”.
Ushkov tha se Moska “pret që SHBA të marrë parasysh pozicionet e Rusisë në punën e mëtejshme së bashku”, sipas medias shtetërore.
