Lajmi se ushtarët e Koresë së Veriut kanë zbarkuar në Rusi, ka shtuar shqetësimet për perëndimin. Por ekspertët dhe mediat ndërkombëtare besojnë se ushtria e Phenianit nuk është aq e fuqishme sa duket dhe nuk mund ti hyjë në punë Rusisë.
Ushtria Popullore Koreane ka mungesë të karburantit për automjetet e saj, mungesa në pjesë këmbimi për makineritë e saj dhe mungesë në furnizime për trupat e saj.
Revista britanike “The Times”, thekson se, ushtarët e saj janë të shkurtër – kequshqyerja i ka lënë ata mesatarisht disa centimetra më të vegjël se homologët e tyre koreano-jugor. Kur njëri prej tyre dezertoi në vitin 2017, zorrët e tij ishin plot me krimba parazitarë, thekson media e njohur britanike.
Por Koreja e Veriut e ka bërë veten mjeshtër të asaj që njihet si “luftë asimetrike” – një strategji që nuk investon në konfrontim kokë më kokë, por në sulme të zgjedhura me kujdes, të specializuara mbi pikat e dobëta të armikut duke përdorur njësi të vogla, shumë të trajnuara dhe të fshehta.
Ushtria e Koresë së Veriut është ushtria e katërt më e madhe në botë me 1.3 milionë ushtarë dhe 7.6 milionë rezervistë.
Të gjithë burrat duhet të bëjnë deri në dhjetë vjet shërbim kombëtar, pesë vjet për gratë. Koreja e Veriut ka një flotë luftanijesh dhe nëndetësesh, skuadrilje avionësh luftarakë rusë të vjetër dhe një tank relativisht të ri beteje, Pokpung-ho ose “Storm Tiger”, i cili është i ngjashëm me T-72 rus.
Pjesa më e madhe e pajisjeve të saj konvencionale është stoku i vjetër i Luftës së Ftohtë nga Bashkimi Sovjetik – i vjetëruar dhe i mungojnë pjesët e këmbimit. Asnjëra prej tyre nuk është shumë e dobishme për Presidentin Putin në luftën e tij në Ukrainë , të cilës dyshohet se trupat koreano-veriore po përgatiten t’i bashkohen dhe KPA nuk është një ushtri ekspedite.
Më shumë përdorim për Rusinë mund të jenë komandot e Koresë së Veriut, të cilët janë trajnuar të zbarkojnë pas linjave të SHBA-së dhe Koresë së Jugut, me parashutë dhe nëndetëse, për të sulmuar portet, aeroportet, stacionet e energjisë bërthamore dhe për të përhapur terror në popullatën civile.
Koreja e Jugut vlerëson se Veriu ka 200,000 trupa në forcat e saj speciale. Agjentët e gjumit në Jug, Japoni dhe ndoshta më gjerë mund të aktivizohen për të kryer sabotim dhe sulme të mundshme vetëvrasëse.
