Sa i dëmshëm është për Putinin pushtimi ukrainas i Kurskut?

Pushtimi i Ukrainës në rajonin Kursk të Rusisë është “shumë i dëmshëm” për Vladimir Putinin, ka thënë për Sky News ish-përfaqësuesi i përhershëm i SHBA-së në NATO.

Kurt Volker tha se presidenti rus po pretendonte se ishte “Pjetri i Madh” dhe ai po përfundon më shumë si “Nicholas II” (cari i fundit i Rusisë).

“Unë mendoj se kjo është shumë e dëmshme për Putinin. Unë nuk mendoj se ata kanë gjetur mënyrën se si të merren me këtë”, deklaroi ai.

Volker tha se “kjo ishte një situatë shumë e ndryshme për Putinin” dhe “njerëzit mund ta shohin atë”, shkruan skynews.

“Ai nuk po luftonte me gjysmë zemre apo duke u tërhequr. Ai vazhdon të thotë se do të përshkallëzojë, por nëse do të mund të përshkallëzonte, do ta kishte bërë tashmë. Kjo tregon se ai nuk është në një pozitë për të përshkallëzuar. Në fakt, forcat e tij janë më të dobëta se sa duken. Ai nuk është i aftë të sulmojë Ukrainën dhe të mbrojë njëkohësisht Rusinë”, deklaroi ish-përfaqësuesi i përhershëm i SHBA-së në NATO.

Forcat ukrainase kanë nisur një inkursion brenda territorit rus. Ushtria ka deklaruar se tashmë kontrollon një territor të madh në rajonin e Kurskut. Madje, territori llogaritet të jetë i madh sa ai i qytetit amerikan i Filadelfias.

Ndryshe, Putin raportohet se do të dërgojë rekrutët e rinj në rajonin e Kurskut për të ndalur përparimin e ukrainasve.