Sami Lushtaku zyrtarisht kandidat për kryetar të Skenderajt

Sami Lushtaku do jetë zyrtarisht kandidat për kryetar të Komunës së Skenderajt, nga radhët e PDK-së.

Një gjë të tillë e ka bërë të ditur dega e Skenderajt e Partisë Demokratike të Kosovës, nëpërmjet një njoftimi në ‘Facebook’.

Në të thuhet se paraprakisht është mbajtur një takim mes Lushtakut dhe kryetarit të partisë, Enver Hoxhaj.

“Kryesia e degës dhe z.Hoxhaj, unanimisht kanë përkrahur kandidaturën e kryetarit të degës së PDK-së Sami Lushtaku për kryetar të Skenderajt për zgjedhjet lokale që do të mbahet në vjeshtë të këtij viti”, shkruhet në njoftim.

Postimi i plotë:

Konfirmohet kandidatura e Sami Lushtakut për kryetar të Komunës së Skenderajt

Kryesia e degës së PDK-së në Skenderaj ka mbajtur takim në të cilin ishte i pranishëm edhe ushtruesi i detyrës së kryetarit të PDK-së z.Enver Hoxhaj.

Kryesia e degës dhe z.Hoxhaj, unanimisht kanë përkrahur kandidaturën e kryetarit të degës së PDK-së Sami Lushtaku për kryetar të Skenderajt për zgjedhjet lokale që do të mbahet në vjeshtë të këtij viti.

Kryesia e degës ka konfirmuar se kandidaturën e z.Lushtaku e mbështesin të gjitha strukturat e partisë dhe qytetarët e Skenderajt.