Një satelit evropian, i cili është endur për vite me radhë në hapësirë, pritet të bjerë në Tokë në orët e ardhshme.
ERS-2 ishte një platformë e sofistikuar vëzhgimi kur u lançua në vitin 1995, e cila përfshinte teknologjitë që tani përdoren në mënyrë rutinë për të monitoruar planetin.
Ai ka rënë gradualisht që nga përfundimi i operacioneve në 2011 dhe pritet të hyjë në mënyrë të pakontrolluar në atmosferë nga minuti në minutë.
Agjencia Evropiane e Hapësirës thotë se pjesa më e madhe e satelitit prej dy tonësh do të digjet gjatë rënies, pa e specifikuar se ku do të bien mbetjet.
Është e mundur që disa pjesë më të forta mund të përballojnë temperaturat e larta, por shanset që këto fragmente të godasin zonat e banuara dhe të shkaktojnë dëme, janë të pakta.
Agjencia lëshoi dy satelitë pothuajse identikë “Remote Sensing” në vitet 1990. Ata ishin vëzhguesit planetarë më të sofistikuar të kohës së tyre, duke mbajtur një sërë instrumentesh për të gjurmuar ndryshimet në tokë, oqeane dhe ajër.
Ata monitoruan përmbytjet, matën temperaturat kontinentale dhe sipërfaqen e oqeanit, gjurmuan lëvizjen e fushave të akullit dhe ndien shtrëngimin e tokës gjatë tërmeteve.
ERS-2, në mënyrë specifike, prezantoi një aftësi të re për të vlerësuar shtresën mbrojtëse të ozonit të Tokës.
