Scholz i Gjermanisë “paralajmëron” Trumpin pas “kërcënimit” të tij për të marrë kontrollin e Grenlandës

Kancelari gjerman Olaf Scholz të mërkurën i bëri thirrje publikisht presidentit të zgjedhur të SHBA-së, Donald Trump për kërcënimin e tij për të marrë kontrollin e Groenlandës, duke thënë se “paprekshmëria e kufijve vlen për çdo vend”.

“Kufijtë nuk duhet të zhvendosen me forcë”, tha Scholz në Berlin. “Ky parim vlen dhe është themeli i rendit tonë paqësor”.

Scholz po reagonte ndaj deklaratave të bëra nga Trump gjatë një konference për shtyp të martën, kur ai tha se nuk do të përjashtonte përdorimin e ushtrisë për të fituar kontrollin e Grenlandës ose Kanalit të Panamasë.

Trump, i cili do të marrë detyrën për një mandat të dytë më 20 janar, ka shprehur vazhdimisht interes për ishullin e Grenlandës, i cili është pjesë e Danimarkës.

Komentet e tij të fundit ndezën indinjatë në mbarë botën, duke përfshirë edhe kryeministrin e Groenlandës, Mute Egede, i cili tha se “Grenlanda i përket grenlandezëve”.

Një reagim ka ardhur edhe nga ministri i Jashtëm francez Jean-Noël Barrot i cili ka thënë se Bashkimi Evropian duhet të mbrohet më mirë kundër sulmeve në kufijtë e tij sovranë, në përgjigje të deklaratave të Trump.