Kancelari gjerman, Olaf Scholz ka shkruar për vizitën e tij në Kosovë, e para vizitë e tij në Ballkanin Perëndimor që nga marrja e postit.
Scholz ka thënë se ai në këto vizita do që të promovoj procesin e pranimit në BE në nivel lokal si dhe të mbështes shkëmbimin rajonal, apo Procesin e Berlinit.
Ai ka thënë se temë në këto takime do të jetë edhe përgjigja e përbashkët ndaj agresionit rus në Ukrainë.
“Sot dhe nesër unë udhëtoj në Kosovë, Serbi, Maqedoni, Greqi e Bullgari. Unë dua të promovoj procesin e pranimit në BE në nivel lokal dhe të mbështes shkëmbimin rajonal (Procesi i Berlinit). Do të bëhet fjalë gjithashtu për përgjigjen tonë të përbashkët ndaj luftës ruse të agresionit në Ukrainë”, ka shkruar Scholz në Twitter.
Aktualisht, në objektin e Qeverisë është duke u zhvilluar takimi mes Scholz dhe kryeministrit të Kosovës, Albin Kurti.
Pas takimit pritet të ketë edhe një konferencë për media.
