Teksa Perëndimi, SHBA-ja dhe BE-ja i bëjnë thirrje të vazhdueshme Rusisë të distancohet nga sulmet mbi Ukrainën, nga Bosnja vjen një përkrahje për Vladimir Putinin.
Mediat boshnjake kanë shprehur shqetësimin për një poster që është vendosur në Banja Llukë, me mbishkrimin “Zgjedhja është e jona. Rusët e Ukrainës, serbët janë me ju. Ajo quhet liri!”.
Mësohet se posteri është vendosur nga Lëvizja Popullore Serbe, e cila njoftoi se do t’i drejtojë ambasadorëve të Rusisë në Serbi dhe Bosnjë e Hercegovinë, një kërkesë për t’ua përcjellë letrën e tyre të hapur mbështetje përfaqësuesve të rajonit Donetsk dhe Luhansk në Ukrainë.
“Forca e mbështetjes reciproke, të popullit serb dhe rus, do të përcaktojë të ardhmen e tyre të njëjtë, e cila mund të jetë e artë”, thuhet në deklaratë.
Perëndimi dhe SHBA-ja kanë paralajmëruar se Rusia e ka në plan ta pushojë Ukrainën, ndërsa një deklaratë e ministres së Jashtme britanike dje thoshte se Putin ka për qëllim të aneksojë edhe Ballkanin Perëndimor.
