Në vitin 2001, ish president i RFJ-së, Vojislav Koshtunica, e kishte liruar nga burgu Albin Kurti, liderin e Lëvizjes Vetëvendosje!
Ai hoqi dënimin e tij me 15 vjet burg nën akuzën për “terrorizëm” dhe veprimtari për pavarësinë e Kosovës.
Kurti u arrestua më 27 prill 1999, dhe u dënua më 13 mars 2000, me 15 vjet burg në Nish.
Albin Kurti u amnistua më 7 dhjetor 2001, me një vendim për falje zyrtare, bazuar në nenin 98, pika 8 të Kushtetutës së RFJ-së, të nënshkruar nga Koshtunica.
Ky vendim ishte paraprirë nga një letër e Ministrit të atëhershëm Federale të Drejtësisë, Sava Markoviç, drejtuar Koshtunicës me një propozim për falje për Kurtin sipas detyrës zyrtare.
Albin Kurti ishte dënuar për rrezikimin e rendit kushtetues dhe sigurinë e RFJ-së dhe për të shkëputur Kosovën nga Serbia, dhe disa akuza tjera.
