Mandatari për formimin e qeverisë së re malazeze, Milojko Spajiq, ka njoftuar se negociatat për formimin e qeverisë po zhvillohen me sukses, dhe se koalicioni “Për Ardhmërinë e Malit të Zi”, i njohur për orientimin e tij pro-ruso-serb, ka një shumicë më të madhe se pritej.
“Negociatat po përparojnë, një marrëveshje politike është hapi tjetër. Tani jemi duke punuar në krijimin e një marrëveshjeje”, tha Spajiq, raporton media malazeze “Pobjeda”.
Ai potencoi se nuk do të flasë për subjektet që do të marrin pjesë në qeveri, por se do të kenë “një shumicë më të madhe se sa pritej”.
Në orët e së mërkurës, u mbajt mbledhja e votuesve potencialë të qeverisë së ardhshme. Kreu i Forumit Shqiptar, Nik Gjeloshaj, ka qenë i pari që është larguar nga takimi, dhe kjo para përfundimit të tij, duke mos dhënë asnjë shpjegim për këtë.
Pas këtyre lajmeve, ka reaguar ambasada e ShBA-së në Mal të Zi.
Në reagim, ShBA-ja ka thënë se një qeveri e re malazeze që është kundër vlerave evropiane, dhe refuzojnë të garantojnë sovranitetin e vendeve fqinje, “siç është Kosova”, do t’i përkeqësojnë përpjekjet e vendit për integrime evropiane.
“Jemi shumë të shqetësuar për raportet se koalicioni i ri qeverisës mund të përmbajë parti dhe liderë që kundërshtojnë në mënyrë aktive vlerat euroatlantike. Realiteti është se pjesëmarrja në qeveri e grupeve ose liderëve që refuzojnë ta kundërshtojnë agresionin rus, refuzojnë të avokojnë për Ukrainën, refuzojnë të mbështesin sanksionet e BE-së ndaj Rusisë, refuzojnë të mbrojnë të drejtat e pakicave dhe refuzojnë të mbrojnë sovranitetin e vendeve fqinje siç është Kosova, do të pengojë në mënyrë drastike përpjekjet e Malit të Zi në arritjen e aspiratave evropiane”, ka thënë ambasada amerikane në Podgoricë.
ShBA-ja thotë se qëndrimi i tyre për formimin e qeverisë nuk ka ndryshuar.
“Ne mbështesim formimin e shpejtë të një qeverie që mbështet vlerat euro-atlantike, përfaqëson një Mal të Zi multikulturor, qëndron si një aleat i besueshëm i NATO-s, mbështet fuqishëm Ukrainën dhe vazhdon të punojë në mënyrë aktive drejt integrimit në BE”, thuhet në reagimin e ShBA-së.
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…