Shkencëtarët kanë identifikuar dy minerale që nuk janë parë më parë në Tokë, në një meteorit që peshon 15.2 tonë metrikë.
Mineralet erdhën nga një copë 70 gramëshe e meteoritit, i cili u zbulua në Somali në vitin 2020 dhe është meteori i nëntë më i madh i gjetur ndonjëherë.
Chris Herd, profesor në departamentin e shkencave të Tokës dhe atmosferës, mori mostra të shkëmbit hapësinor që të mund ta klasifikonte atë. Ndërsa po e ekzaminonte, diçka e pazakontë i ra në sy, disa pjesë të mostrës nuk ishin të identifikueshme me mikroskop. Më pas ai kërkoi këshilla nga Andrew Locock, kreu i Laboratorit të Mikrosondeve Elektronike, pasi Locock ka përvojë në përshkrimin e mineraleve të reja.
“Ditën e parë që bëri disa analiza, ai tha, ‘ke të paktën dy minerale të reja atje’. Ishte fenomenale. Shumicën e kohës duhet shumë më tepër punë se kaq për të thënë se ka një mineral të ri”, tha në një deklaratë Herd.
Emri i një minerali, elaliite, rrjedh nga vetë objekti hapësinor, i cili quhet meteorit “El Ali” pasi u gjet pranë qytetit El Ali në Somalinë qendrore.
Herd e quajti elkinstantonitin e dytë pas Lindy Elkins-Tanton, nënkryetare e Iniciativës Ndërplanetare të Universitetit Shtetëror të Arizonës./ CNN
