Ka humbur jetën në spital 64 vjeçari Pashko Ujka, ish deputet i kuvendit të Shqipërisë dhe ish kryetar i komunës Velipojë, të cilit iu bë atentat mbrëmjen e së hënës në Shkodër.
Ai ka qenë me bashkëshorten e tij në lulishten pranë kishës ortodokse, kur është qëlluar me pistoletë silenciator.
Vetëm kur është shtrirë përtokë bashkëshortja ka kuptuar se është qëlluar, duke njoftuar policinë.
Autori ka arritur të largohet nga vendngjarja ndërsa Ujka është dërguar në spitalin rajonal të Shkodrës në gjendje kritike për jetën.
Plumbi kishte prekur shtyllën kurrizore dhe familja fillimisht kërkoi që të dhurohej gjak A negativ por pas disa minutash u mësua se ai ndërroi jetë.
Grupi hetimor po punon për zbardhjen e ngjarjes ku në ndihmë do t’i vijnë edhe kamerat e sigurisë të objekteve përreth.
Atentat ish-kreut të komunës së Velipojës, spitali kërkon gjak të grupit A negativ
Iu bë atentat me silenciator, Ujka ish-kryetar komune dhe ish-deputet i PDK-së
Atentati ndodhi pranë banesës ku ai jeton dhe motivet e ngjarjes mbeten të paqarta ku një ndër pistat që po hetohet është ajo e detyrave që ka mbajtur.
Në vitet 2005-2009 Ujka ka qenë deputet i kuvendit të Shqipërisë dhe kryetar i grupit parlamentar të PDK, që më pas u shkarkua pas përplasjeve me kryetarin Ndoka.
Më pas në vitet 2011-2015 u zgjodh kryetar i komunës Velipojë sot njësi administrative e bashkisë Shkodër pas reformës territoriale.
Ujka ka pasur përplasje për shkak të detyrës në të shkuarën dhe ka mbetur dy here i plagosur.
