Shtetet e Bashkuara kryejnë një “test historik” me raketa

Të gjitha fuqitë botërore i rinovojnë armët e tyre me qëllim që të mos mbeten prapa dhe një nga këto fuqi janë edhe Shtetet e Bashkuara të Amerikës.

Ushtria amerikane ka nisur një provë me disa raketa të koordinuara për të testuar rrezen e tyre. Siç thotë Marina Amerikane dhe kontraktori më i madh i mbrojtjes së hapësirës ajrore, Lockheed Martin, ky demonstrim është “test historik”.

Katër raketat e testuara i përkasin kategorisë së raketave kundër anijeve me rreze të gjatë veprimi AGM-158C (LRASM), të projektuara për të fluturuar në kombinim dhe për të fundosur objektiva të paspecifikuara. Nga Pentagoni theksojnë se ushtria e tyre tani është në gjendje të thyejë mbrojtjen e armikut duke lëshuar këto raketa nga avionët luftarakë.

Për më tepër, Lockheed Martin thekson se raketat përmbushën të gjitha objektivat e tyre, duke ekzekutuar të gjitha protokollet e tyre autonome të udhëzimit dhe evazionit, duke sulmuar dhe shkatërruar të gjitha objektivat e përcaktuara. Për momentin, si Marina ashtu edhe kompania kanë vendosur të mos japin shumë detaje të testit, për shkak të fuqisë strategjike të këtij lloj armatimi.

Raketat vdekjeprurëse

Raketat LRASM janë përsosur për të shkatërruar objektiva detarë me vlerë të lartë si shkatërruesit dhe aeroplanmbajtëset. Me disa ngjashmëri me raketën ajër-tokë AGM-158, kjo lloj arme ka përmirësime të përshtatura për betejat detare, duke përfshirë aftësinë për të qenë e padukshme për radarët e armikut dhe sistemet e mbrojtjes.

Nga Marina Amerikane ata theksojnë se LRSAM mund të identifikojë dhe fundosë anijet kundërshtare në mënyrë autonome me një shkallë të lartë saktësie. E gjithë kjo falë një sistemi udhëzues të kombinuar me një Sistem Navigimi Inercial (INS) të ndihmuar nga GPS. Këto raketa janë të përgatitura për t’u lëshuar nga bombarduesit F/A-18E/F Super Hornet dhe bombarduesit B-1B Lancer, megjithëse pritet që ato të mund të lëshohen edhe nga avioni i vëzhgimit P-8 Poseidon në vitin 2026 dhe Varianti detar i F-35 Lightning II.