Rreziku për një përplasje ushtarake në rajonin e Mesdheut është rritur pas bisedimeve në të cilat Turqia është zotuar për të dërguar trupa në Libi për ta mbrojtur qeverinë e njohur nga Kombet e Bashkuara.
E ashtuquajtura qeveri e pëlqimit kombëtar, me bazë në Tripoli, është duke u përballur me rrezikun e një sulmi vendimtar nga forcat e gjeneralit Khalifa Haftar, të cilat e kontrollojnë pjesën lindore të vendit.
A coalition of forces allied with Libya’s UN-recognized Government of National Accord, some of which face UN sanctions, received a shipment of Turkish armored vehicles and arms, according to pictures and videos posted on social media.https://t.co/A8gEjS9AVN pic.twitter.com/M317TxFNvM
— Al Arabiya English (@AlArabiya_Eng) May 19, 2019
Turqia, e ndodhur përballë disa mosmarrëveshjeve me Shtetet e Bashkuara dhe Bashkimin Evropian për çështje të ndryshme, javën e kaluar e nënshkroi një marrëveshje bashkëpunimi me qeverinë libiane, me të cilën mundësohet që kjo e fundit të kërkojë trupa ushtarake nga fuqia aziatike.
Ministri i jashtëm turk, Mevlut Cavusoglu, dhe ministri i mbrojtjes, Hulusi Akar, u takuan me kryeministrin libian, Fayez al Serraj, në Doha të Katarit gjatë kësaj fundjave. Kryediplomati turk tha se Libia nuk ka bërë ende kërkesë zyrtare për dërgimin e trupave të Turqisë, por një gjë e tillë do të ishte shumë e lehtë.
Në anën tjetër, forcat ajrore të gjeneralit Haftar, të cilat përkrahen nga Egjipti dhe Emiratet e Bashkuara Arabe, e kanë bombarduar aeroportin e qytezës bregdetare të Misrata-s si paralajmërim që Turqia të mos dërgojë trupa dhe armatim në Turqi.
Kombet e Bashkuara kanë vlerësuar se Turqia dhe Emiratet e Bashkuara Arabe e kanë shkelur embargon e armëve, të miratuar nga kjo organizatë, por qeveria turke duket e vendosur që të mos lejojë që Tripoli të bie në duart e Haftar-it, shkruan “The Guardian”.
