“Si në filma amerikanë”, zbulohet arsyeja pse pronari vrau recepsionistin në Dhërmi

Gerald Shehu, vrasësi in Eraldo Nevruzit në hotelin “Greccia” në Dhërmi është shfaqur nervoz, por nuk ka bërë asnjë reagim kur u dërgua në një prej zyrave të aeroportit të Korfuzit, në tentativë për t’u arratisur.

Gazetari i Top Channel, Artur Bibe në një lidhje live për emisionin “Shqipëria Live” në Top Channel tha se ai e kuptoi se ishte pikasur nga policia, pas vrasjes që kishte kryer rreth orës 00:30 në hotelin ku ishte bashkëpronar në Dhërmi.

“Ai u paraqit me dokumente me shtetësi angleze, nuk kishte bileta as për Londër, as për Manchester, dhe mori biletë për Spanjë, ai është ndaluar rreth orës 18: 30, avioni nisej në orën 18:45, si në filmat policorë.

Shehu është identifikuar dhe survejuar. Nga momenti që nuk kishte një akuzë s’mund të mbahej më shumë se 24 orë. Ai u gjend i izoluar në aeroportin e Korfuzit.

Pasi e kanë ndjekur, e kanë vonuar për të verifikuar pasaportën, e kanë futur në një ambient në aeroport. Ai e kuptuar, por s’ka bërë asnjë reagim, ishte nervoz, e ka kuptuar që diçka nuk shkonte. Ai po aplikon si shtetas anglez, jo si shtetas shqiptar, për procedurat, procedurat e ekstradimit, se për Angli janë të tjera, për Shqipëri janë të tjera. Atë und ta kërkojë edhe Anglia, veç Shqipërisë”, tha Bibe.