Presidenti ukrainas, Volodymyr Zelenskyy planifikon të udhëtojë të premten në Uashington për t’u takuar me presidentin amerikan Donald Trumpin, sipas një burimi nga qeveria ukrainase, shkruan Sky News.
Burimi tha se data për takimin ballë për ballë është propozuar nga pala amerikane.
Kjo vjen pasi Sky News nga burimet e saja bëri të ditur se Ukraina kishte rënë dakord me SHBA-në për një marrëveshje të rëndësishme për mineralet .
Marrëveshja përcakton kushtet për krijimin e një fondi të ri për të investuar në mineralet e Ukrainës, materialet e rralla dhe burimet e tjera të vlefshme natyrore. Ajo nuk përfshin më kërkesën fillestare të Shteteve të Bashkuara për të drejtën e 500 miliardë dollarëve (395 miliardë £) nga të ardhurat e mundshme prej këtyre burimeve.
