Pjesëtarët e njësisë për operacione speciale pranë ushtrisë ukrainase, ka publikuar një video ku shihet sesi snajperistët e tyre eliminojnë dy ushtarë rusë në afërsi të Bakhmutit.
Në përshkrimin e videos, pjesëtarët e SSO-së kanë bërë të ditur se kanë vërejtur lëvizjet e forcave pushtuese, ku pas intervenimit të tyre kanë arritur të neutralizojnë dy prej tyre.
Ndryshe qyteti i Bakhmutit vazhdon të jetë pika më e nxehtë e luftës në Ukrainë, ku nga të dyja palët raportohet për shumë të vdekur dhe plagosur.
Në anën tjetër, për ukrainasit është bërë vatër e rezistencës, dhe se në këtë qytet mijëra pjesëtarë të grupit mercenar rus Wagner, e kanë pësuar me jetë.
Madje ata disa herë kishin pretenduar se kanë marrë nën kontroll këtë qytet, por në fund doli të jetë krejt e kundërta – Wagner u tërhoq nga atje e madje nga i tërë territori i Ukrainës.
