Snajperisti britanik paralajmëron ushtrinë e Putinit: ‘Kyevi nuk do të bie kurrë në duart e rusëve, ukrainasit po luftojnë si bisha’

Një snajper veteran britanik, i cili vendosi t’i bashkohej luftës në Ukrainë, deklaroi se Kievi nuk do të bjerë asnjëherë në duart e rusëve, pasi taktikat e tyre guerile janë tepër efikase dhe se ata po mbrojnë vendin e tyre njësoj si talebanët për të cilët thotë se luftonin gjatë gjithë ‘kohës të droguar’.

Shane Matthews, i cili ka shërbyer në disa misione në Afganistan dhe Irak si nëntetar me Regjimentin Mbretëror të Batalionit të 2-të të Princeshës së Uellsit, fluturoi për në Poloni përpara se të hynte në kryeqytetin ukrainas, ku prej ditësh ka ndihmuar në fortifikimin e qytetit dhe trajnimin e civilëve.

Ish-ushtari tregon se ka parë predha ruse që ‘bien si shi’ mbi ura, kisha dhe shkolla ndërsa bombat shpërthenin kudo, duke shpërndarë foto rrëqethëse të shkatërrimit.