Specialja “godet” rëndë Thaçin dhe Veselin, ata tentuan ta sabotojnë punën e kësaj Gjykate
Zyra e Prokurorit të Specializuar (ZPS) ka paraqitur pranë Dhomave të Specializuara të Kosovës (DHSK) një aktakuzë me dhjetë pika ndaj presidentit Hashim Thaçi, si dhe ndaj kryetarit të PDK-së, Kadri Veseli.
Sipas njoftimit nga Dhomat e Specializuara në Hagë, të njëjtit kanë tentuar që të sabotojnë dhe të pengojnë punën e këtij institucioni. Sipas tyre të dy kanë ndërmarrë një fushatë për shfuqizimin e ligjit që e ka krijuar këtë Gjykatë.
“Prokurori i Specializuar e gjykon të domosdoshëm nxjerrjen e këtij njoftimi publik për akuzat, për shkak të përpjekjeve të përsëritura të Hashim THAÇIT dhe Kadri VESELIT për pengimin dhe sabotimin e punës së DHSK-së. Besohet se z. THAÇI dhe z. VESELI kanë ndërmarrë në fshehtësi një fushatë për shfuqizimin e ligjit që krijoi Gjykatën dhe ndryshe kanë penguar punën e Gjykatës në orvatje për t’i bishtnuar drejtësisë, Nëpërmjet këtyre veprimeve, z. THAÇI dhe z. VESELI kanë vënë interesat e tyre vetjake mbi viktimat e krimeve të tyre, sundimin e ligjit dhe popullin e Kosovës.
