Grupi rebel Houthi në Jemen ka raportuar se forcat izraelite kanë ndërmarrë një sulm ajror ndaj kryeqytetit Sana’a, pasditen e sotme (e enjte), katër ditë pas bombardimeve të mëparshme që lanë 10 të vdekur.
Sipas informacioneve të siguruara nga burime të ushtrisë izraelite (IDF), mësohet se gjatë sulmit mund të jetë vrarë ministri i Mbrojtjes dhe shefi i shtabit të forcave të Houthi-ve.
Sulmet izraelite erdhën si përgjigje ndaj një serie raketash balistike të lëshuara nga territori jemenas drejt Izraelit, për të cilat përgjegjësinë e kanë marrë rebelët Houthi. Ushtria izraelite ka konfirmuar se sulmoi disa objekte ushtarake në Sana’a, përfshirë pallatin presidencial dhe një depo të karburanteve.
Sipas raportimeve nga media izraelite, figura të larta politike të lëvizjes Houthi kanë qenë objektiv i drejtpërdrejtë i këtyre goditjeve. Ministri izraelit i Mbrojtjes, Israel Katz, dhe shefi i Shtabit të Përgjithshëm të IDF, gjeneralmajor Eyal Zamir, thuhet se kanë koordinuar operacionin me kryeministrin Benjamin Netanyahu përpara ndërmarrjes së sulmit.
“Siç e kemi paralajmëruar regjimin terrorist të Houthi-ve në Jemen: Pas plagës së errësirës, vjen plaga e të parëlindurve”, deklaroi ministri Katz, duke iu referuar një pasazhi biblik dhe duke sugjeruar synimin e drejtpërdrejtë ndaj udhëheqjes politike të Houthi-ve.
Vetëm një ditë më parë, rebelët Houthi morën përsipër një tjetër sulm me raketa ndaj Izraelit, ndërsa forcat izraelite njoftuan se kishin kapur dhe neutralizuar një raketë të lëshuar nga Jemeni.
Situata në rajon mbetet shumë e tensionuar, ndërkohë që përplasjet mes Izraelit dhe rebelëve të mbështetur nga Irani po intensifikohen.
Mal Berisha, ish-ambasador e diplomat, ka treguar një rrëfim interesant nga takimet e tij në…
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…