Të paktën 10 persona kanë mbetur të vrarë pas një sulmi me armë në Fakultetin e Filozofisë në Pragë. I vdekur ka mbetur edhe personi që hapi zjarr, pasi u neutralizua nga policia.
Autoritetet në vend bëjnë të ditur se nëntë persona të tjerë kanë mbetur të plagosur rëndë, kurse disa të tjerë kanë marrë lëndime të lehta. Në total, numri i të plagosurve dyshohet të jetë 25, por shifrat pritet të ndryshojnë.
Sipas asaj që ministri i Brendshëm i vendit, Vít Rakušan, bëri të ditur, autori hapi zjarr të paktën 20 herë. Forca të shumta policore ndodhen në vendin e ngjarjes ndërsa sheshi Jan Palach dhe zona përreth është tërësisht e mbyllur.
Shooting in a University in Prague.
pic.twitter.com/WMWrdkDCp0— Nilofar Ayoubi 🇦🇫 (@NilofarAyoubi) December 21, 2023
Ndërkohë, një student që ndodhej në ndërtesë kur ndodhi sulmi, tregoi për CNN Prima NEWS dhe të shtënat ndodhën në katin e tretë dhe të katërt të godinës.
Nuk dihen ende motivet e sulmit apo identiteti i autorit.
