Sulmi u bë me dron? Një dallgë e pazakontë shihet poshtë urës së Krimesë disa sekonda para shpërthimit

Pamjet e shpërthimit që shkatërroi urën e vetme midis Rusisë dhe Krimesë tregojnë një ‘valë’ misterioze pak para shpërthimit – duke çuar në spekulime se shkaku mund të ishte një dron i mbushur me eksploziv ose një varkë.

Rusia deri më tani ka drejtuar gishtin nga një kamion i cili ndodhej në urë kur ndodhi shpërthimi duke u marrë jetën kështu tre personave. Sipas Kremlinit, “diversantët ukrainas e kryen sulmin vetëm disa orë pas ditëlindjes së Vladimir Putinit.”

Videot tregojnë shpërthimin që trondit urën e Kerçit që lidh gadishullin me kontinentin rus – pavarësisht pretendimeve ruse se ura ishte e mbrojtur me një ekip të sigurisë maksimale, duke përfshirë delfinët sulmues.

Forcat e rendit ruse kanë identifikuar Samir Yusupov, 25 vjeç, nga rajoni i Krasnodarit në Rusi, si pronari i supozuar i kamionit “International Prostar” me ngjyrë të kuqe, i cili, sipas hetuesve, shpërtheu në Urën e Krimesë.

Sulmi mund të shkurtojë furnizimet për forcat e Putinit pasi Ukraina bën më shumë përparime në jug drejt Khersonit. Një pjesë e urës është shembur në det dhe shtatë cisterna nafte në një tren kanë marrë flakë nga shpërthimi.

Linjat e gjata të karburantit po krijohen tashmë në Krime, pavarësisht pretendimeve ruse se ka furnizime të mjaftueshme për të zgjatur dy javë.