Sulmi ukrainas ‘dërgoi më shumë se 100 ushtarë rusë në ferr’ ndërsa Putini ‘i shtyu njerëzit e tij në masakër’ në betejën për Soledar

Një sulm i koordinuar ukrainas vrau më shumë se 100 ushtarë rusë që ishin grupuar së bashku gjatë një beteje në Soledar të Ukrainës – në një tjetër pengesë shkatërruese për pushtuesit barbar të Vladimir Putinit.

Putin u akuzua se ‘i shtyu njerëzit e tij në masakër’ në përpjekjen e tij për të siguruar qytetin e rëndësishëm Soledar në Ukrainën lindore, pasi trupat ukrainase lëshuan një raketë të epokës sovjetike ndaj një grupi të madh ushtarësh rusë.

Dhe ushtria e Ukrainës tha se më shumë se 100 ushtarë rusë ‘shkuan së bashku në ferr’ në sulmin e koordinuar në Soledar, ku përfshiheshin forca speciale, gjuajtës dhe raketahedhës.

Luftimet e ashpra kanë shpërthyer në Soledar, dikur një qytet i gjallë i minierave të kripës në Ukrainën lindore, ndërsa forcat ruse përpiqen të marrin nën kontroll qytetin e afërt dhe kyç të Bakhmut.

Imazhet e tmerrshme satelitore para dhe pas tregojnë se si të gjitha ndërtesat e qytetit janë shkatërruar, me pothuajse “asnjë mur të mbetur në këmbë”, nga sulme të pamëshirshme raketash dhe armësh.

Pamjet e publikuara nga forcat speciale të Ukrainës thuhet se tregojnë një grup ushtarësh rusë duke u goditur nga artileria ukrainase në fushat përreth qytetit.

Soledar, në rajonin industrial të Donbasit, ndodhet vetëm nëntë milje larg Bakhmutit, ku trupat nga të dyja palët kanë parë humbje të mëdha në disa nga luftërat më intensive të llogoreve që kur Rusia filloi agresionin mbi Ukrainë në shkurt të vitit të kaluar.

“Rusët po lëvizin mbi kufomat e tyre”, tha sot zëvendësministrja e Mbrojtjes e Ukrainës, Hanna Malyar për situatën e rëndë në Soledar. “Rusia po i shtyn (mijëra) njerëzit e saj në masakër, por ne po mbahemi”.

Siç vënë në pah mediat, Rusia po përpiqet të marrë kontrollin e Bakhmutit pasi ka një rrjet tunelesh minerare shpellore nën tokë, të cilat mund të strehojnë trupa ose tanke.

Trupat ruse kanë shtuar sulmin e tyre ndaj Soledar, duke i detyruar trupat ukrainase të përballojnë valë pas valë sulmesh të udhëhequra nga mercenarët Wagner.